Halldór Jóhannsson ungur og efnilegur kylfingur frá Keili varð Íslandsmeistari og stigameistari GSÍ um helgina.

Hann sigraði keppinauta sína örugglega í holukeppni á leið sinni að verða Íslandsmeistari í flokki 12 ára og yngri.

Mótið fór fram í Grafarholtinu.

Keilir óskar Halldóri og fjölskyldu innilega til hamingju með árangurinn.

Þess ber að geta að Keilir á hátt í 30% af öllum keppendum á stigalista GSÍ í þessum flokki og þar af eru átta kylfingar frá Keili  inn á topp 21 listanum af öllum keppendum sem tóku þátt í mótunum í sumar.