Kynning á foreldraráði Keilis

Í foreldraráði Keilis eru 4-7 einstaklingar sem að eiga börn og ungmenni í íþróttastarfi Keilis sem eru á mismunandi aldri og getustigi í starfinu.

Það er íþróttastjóri Keilis sem að tilnefnir í ráðið og starfar ráðið undir íþróttanefnd Keilis.

Helsta hlutverk foreldraráðs er að vinna með íþróttastjóra og íþróttanefnd Keilis að skipulagi keppnis- og æfingaferða.

Einn aðili innan foreldraráðs er tengiliður inn í íþróttanefnd Keilis.

Auk þess hefur foreldraráðið umsjón með allri fjáröflunarvinnu og vinnur að ýmsum verkefnum í samstarfi með íþróttastjóra Keilis.

Fundað er 3-6 sinnum á ári og meðal efnis sem að foreldraráð hefur gert í ár eru ýmsar fjáraaflanir eins og ýmsar sölur á varningi, happdrætti Keilis, talningar og golfmaraþon Keilis þar sem aðilar sem að fóru í æfingaferðir Keilis settu nýtt Íslandsmet með því að æfa golf í 25 klst. og 2 mínútur.

Aldrei hafa eins mörg börn og ungmenni og foreldrar farið í æfingaferðir eins og í ár eða yfir 90 kylfingar. Farið var í þrjár ferðir til Spánar á þremur mismunandi tímum.