Í dag var jólapakkapúttmót íþróttastarfs Keilis haldið í Hraunkoti.
Mæting var frábær og mættu yfir 50 börn og ungmenni á bilinu frá kl. 10:00 til 12:00. Auk þess mættu foreldrar, systkini, afar og ömmur til að pútta og prófa að slá í golfhermnum.
Í boði var djús og kaffi og smákökur og allt undir dúndrandi jólalögum.
Allir iðkendur Keilis sem að mættu áttu að mæta með jólapakka að andvirði 500-1500 kr.- Eftir að vera búin með sín verkefni átti hver og einn að velja sér jólapakka.
Golfteymi Keilis óskar öllum iðkendum í starfinu gleðilegra jóla. Íþróttastarf Keilis er farið í jólafrí en að sjálfsögðu verður hægt að mæta í Hraunkotið og æfa sig allan daginn.
Golfæfingar hefjast aftur á nýju ári. Nánar um það síðar.
Kalli íþróttastjóri Keilis